كتبت/بسمه عطيه
زواج يعنى عشره وموده وسكينه ورحمه
جايز فى يوم نختلف وتظهر بعض المشاكل منها الصعب ومنها السهل جايز تتحل ويمكن لا بس كلمة جايز تعدى اى شئ طالما فيه لغة حوار
يبقى الحل موجود
لكن لما العلاقه الزوجيه يظهر على سطحها السكوت يبقى هو ده بداية الدمار الأسرى
ايوه لما نتكلم ممكن نتفاهم نتعاتب ويمكن نتصالح
لكن لو كل واحد ياخد جنب ويقرر الأنفصال دون انفصال
هى دى المصيبه الكبرى والقشه التى سوف تقسم ظهر البعير
واقصد هنا( الخرس الزوجى)
الزوج برا البيت برابنت وديما بيضحك ولا يمل الكلام مع اصحابه ومعارفه
واول ما يدخل البيت يضع داخل فمه كاتم للصوت!!!!
والست المصريه طول النهار رغى مع اصحابها فى التليفون واول ما يدخل جوزها البيت تأخذ وضع بوز البطه وطبعا هنا مش علشان السيلفى!!
يبقى النتيحه ايه؟؟؟؟؟
اتنين فى بيت واحد بدون كلام حياه اشبه بمقبره لأى علاقه طبيعيه حياه ممله رتيبه وجو غير صالح لتربية اطفال
ظاهره واضحه وضوح الشمس وموجوده فى اغلب البيوت المصريه وطبعا ظهرت هذه الظاهره وتزايدت بزيادة التطور والتكنولجيا
اصبح كل واحد فيهم قادر عن الأستغناء عن الأخر
وقادر ان يملئ الفراغ الأسرى والتقألم على الوضع الممل ب السوشيال ميديا
استبدل كل زوج وزوجه العشره والموده والتفاهم
ب الفيس بوك وتويتر وانستجرام
تم استبدال الجانب العاطفى بجانب سخيف معدوم الروح
استبدلنا الحب بمجموعة زارير وكلمات تنقش على مواقع التواصل الاجتماعى
دخل الزوج حجرته ليكتب feeling happy
ودخلت الزوجه حجرتها لتكتبfeeling love
وصرخت جدران البيت لتكتبfeeling sad
